您知唔知貓咪都會遇上家居陷阱? 過去香港曾發生多宗貓咪被夾嘅意外,最嚴重嘅個案更有貓咪被夾死!
屋企有電動梳化或電動按摩椅嘅貓奴要謹慎留意
電動梳化或電動按摩椅運作時,底部嘅踏板會升高,露出下面狹窄、黑暗嘅空間。見到咁嘅空間,主子一有機會就會捐入去「探險」。但貓咪入到去唔等於出得返嚟,結果主子就被困梳化底或按摩椅底。更恐怖喺如果奴才喺不知情下㩒掣降下踏板,被困嘅貓咪就會被彈鉸/電鉸夾住
如貓咪不幸被夾住,貓奴應立即採取以下措施:
1 保持冷靜 2 嘗試即時停止操作避免將主子越夾越緊 3 唔好移動梳化/按摩椅 4 千祈唔好強行將貓咪扯出來 5 即時向專業機構(如愛護動物協會)求助 6 安撫貓咪,防止主子因受驚掙扎令傷勢更重
兩步預防意外發生 ✔留意機件有否外露,將外露嘅部分封好 ✔使用電動梳化或電動按摩椅前先將貓咪隔離,如放入寵物籠或安置在其他房間
做個負責任嘅好貓奴,購買任何傢俬前,都要留意其設計會否對貓咪造成危險!將高危嘅空隙填封好,避免發生貓咪誤闖,有效防止意外發生
Comments